Нарын шаар соту бул маселени бүгүн карашы күтүлүүдө. Мындай өтүнүчтү сотко өткөн жума күнкү отурумда адвокат Канат Жайлоев жолдогон. Ошол эле учурда укук коргоочу Азиза Абдрасулова Бектемир Акуновдун өлүмүн иликтөөгө Москвадан көз карандысыз эксперттерди чакыруу аракеттери көрүлүп жатканын билдирүүдө. Оппозициялык бириккен фронт быйыл апрелде уюштурган митингдин катышуучусу Бектемир Акунов 15-апрелде Нарын шаардык ички иштер бөлүмүнүн абагында табышмактуу жагдайда өлүмгө кабылган эле. Аталган иш боюнча милициянын эки кызматкерине «шалаакылык» беренеси боюнча айып тагылууда.(SM)
