Айрым саясатчылардын күзүндө өлкө аймагында саясий кырдаал курчуйт деген билдирүүлөрүндө эч кандай негиз жок, деп билдирди мамкатчы Адахан Мадумаров бүгүн өкмөт үйүндө өткөргөн маалымат жыйынында. Анын айтымында, алдын ала ар кандай божомолдорду айтуу менен коомчулукту коркутуунун кажети жок. Саясатчылар саясий сезон алдында өздөрүнө упай топтоо максатында массалык маалымат каражаттарынын көңүлүн өздөрүнө бурууда, дейт мамкатчы. (AJ)
