БУУнун баш катчысы, Түштүк Кореянын мурдагы тышкы иштер министри Пан Ги Мун Ооганстанда барымтага алынган туштук кореялык жарандардын бошотулушун кубаттады. Туштук кореялык 23 жаранды ооган талибдери 19-июлда барымтага алышкан эле. Кийинчерээек алардын экөөсүн өлтүрүшүп, барымтадагы эки оорукчан аялды бошоткон. Түштүк Кореянын өкүлдөрү талибдер менен бир канча күнгө созулган сүйлөшүүлөрдөн соң барымтадагыларды бошотууга жетишти.
