Бүгүнкү күндө республиканын булуң-бурчунда жалпысынан үч миң мугалим жетишпейт. Педагогикалык багыттагы жогорку окуу жайларынын бүтүрүүчүлөрүн мектепке тартуу максатында “Жаш мугалимдин депозити” программасы кабыл алынган. Учурда бул программа боюнча 1092 мугалим иштеп жатат. Кадрлардын жетишсиздигинен улам бул программага катышкан мугалимдердин санын беш жүзгө чейин көбөйтүү маселеси каралууда. Бул үчүн 2008-жылы кошумча 17,6 миллион сом, 2009-жылы 30,8 миллион сом талап кылынат. Бул тууралуу Билим берүү министрлигинен кабарланды. (ZKo)
