Бир жарым айлык тыныгууга тараган парламент 3-сентябрдан тарта кайрадан ишке киришет. Парламенттин аппарат жетекчисинин 1-орун басары Сүйүнбек Касмамбетовдун “Азаттыкка” билдиргени боюнча бул күнү депутаттар иштөө тартибинин бир айлык күн тартибин бекитет. ЖК депутаттары 29-июнда бешинчи сессиянын акыркы күнүн жаап жатып, “Таза суу” программасы, “Камбарата-1”, “Камбарата-2” ГЭСтерин менчикке чыгаруу тууралуу мыйзамдарды кабыл алышкан. (ZKo)
