Парламент депутаты Акматбек Келдибеков Башкы прокурорго расмий түрдө кайрылып, президенттик администрациянын башчысы Медет Садыркулов экс-президент Аскар Акаевге берген 500 миң доллар боюнча жаңы кылмыш ишин ачууну суранды. Келдибеков ал пара катары берилген акча бюджетке келип түшкөнү же түшпөгөнүн териштирүүнү талап кылды. Анын айтымында, 500 миң долларга байланыштуу Медет Садыркулов баштаган чиновниктер ак болсо, ал каражатты бюджетке кайтарып бериши керек. (AJ)
