Ош облусундагы № 36-Каракулжа шайлоо чөлкөмүнөн «Айкын» гезитинин баш редактору Керим Айдаров, бизнесмен Ырысбай Майлыбашев, баш прокурордун биринчи орун басары Курмантай Абдиев, «Ата Мекен» социалисттик партиясынын төрага орун басары Дүйшөнкул Чотонов, «Чоң казык» кредиттик союзунун башчысы Акбарали Исраилов, убактылуу бош Жолборсбек Осмонов, Баш прокуратуранын коррупцияга каршы күрөшүү башкармалыгынын прокурору Камчыбек Осмонов, коомдук ишмер Нурбүбү Абдыжапарова мандат талашат. Ал эми № 50-Керметоо округунда ишкер Кубанычбек Нурматов, убактылуу бош Бегайым Токтоматова, Кадамжай районунун башкы салыкчысы Абдуллабек Осмонов, дыйкан чарба башчысы Өмүрбек Бакиров, Ош шаар Кеңешинин депутаты Хулкарпаша Сабирова, Карасуу жаратылыш коргоо инспектору Абдисатар Исмаилов, Акыйкатчынын аппарат жетекчиси Каныбек Эргешов, жеке ишкер Адылбек Сагынбаев ат салышмакчы. Жергиликтүү серепчилердини байкоосуна караганда, эки округда тең саясий таймаш катуу жүрүп, шайлоо мезгилинде жердешчилик, уруучулдук, а түгүл улутчулдук ыкмалар кеңири пайдаланылышы күтүлөт. (АТо)
