Кытайдын Тышкы иштер министрлигинин расмий өкүлү бүгүн буга чейин Кытайга айтылган айыптоолорду четке какты. Анын айтымында, “Кытай өзүнүн хакерлерине Пентагондун байланыш түйүнүнө чабуул койдурган деп ойлонуу – кансыз согуштагы маанайдын белгиси”. Буга чейин америкалык расмий адамдардын бири "Financial Times" гезитине “Кытайдын армиясы июнда АКШнын Коргоо министрлигинин байланыш тармагына чабуул койгон” деп билдирген болчу.
