“Азия – кызматташтык жана тынчтык аймагы” деген аталышта Чолпоната шаарында өтө турган оюндар учурунда спорттун он беш түрү боюнча мелдештер өткөрүлөт. Алты күнгө созула турган оюндарга Орусия, Кытай, Иран, Казакстан, Өзбекстан, Тажикстандан миңге жакын спортчулар катышат. Шанхай кызматташтык уюмунун Бишкекте өткөн саммитинин алкагында өткөрүлүп жаткан быйылкы Ысыккөл оюндарын өткөрүүгө кыргыз өкмөтү эки миллион сомго жакын каражат бөлгөнү маалым болду. (ZMa)
