Ага Кыргызстандан беш жүздөн ашык спортчулар катышууда. Андан сырткары Борбор Азия, Орусия, Кытай, Иран, Молдова өлкөлөрүнөн дагы ушунча өкүл келген. 11-сентябрга чейин созулган иш-чарада спорттун он беш түрү боюнча мелдеш өтөт. Чолпанатада жүргөн “Азаттыктын” кабарчысы Кабыл Макештин маалымдашынча бүгүн Жеңил атлетика күнү болуп, ага ысыккөлдүк алты жүзгө жакын өспүрүм катышты. “Ысыккөл-Аврора” санаторийинде эл аралык Ысыкөл оюндарынын алкагында Азия оюндарын уюштуруу комитетинин илимий кеңешмеси да өттү. (EBM)
