Форумга эки өлкөнүн мамлекеттик бийлик органдарынын, бирикмелердин, ишкерлер союзунун өкүлдөрү, ишкерлер жана инвестиция тармагында иш алып барган компаниялар катышары күтүлүүдө. Форумда өлкөгө инвестиция тартуунун жолдору, айыл-чарба, туризм тармагында кызматташуу жана экологиялык проблемалар талкууланмакчы. Евразия экономикалык биримдиги ассоциациясынын төрагасынын орунбасары Токтосун Мадияров бул форумда бир катар долбоорлор каралат деп “Азаттыкка” билдирди. “Камбарата жана Шамалдысайдагы алюминий заводу боюнча дагы талкуу болушу мүмкүн “,-деди Т. Мадияров. Бизнес форум өз ишин 9-сентябрда жыйынтыктайт. (ZMa)
