Быйылкы окуу жылынан тарта жаштар комитеттин төрагасы окуу жайдын окумуштуулар кеңешине, ал эми мүчөлөрү финансылык комитетке мүчө болушат. Студенттердин стипендияларын бөлүштүрүү иштери аталган комитетке берилет. Жусуп Баласагын атындагы Улуттук университеттин маалымат кызматынын башчысы Надыр Эстебесовдун “Азаттыкка” билдиришинче окуу жайдын жаштар уюму өз ишмердүүлүгү, алдыда турган план максаты тууралуу 15-сентябрда жыйын өткөрөт. (EBM)
