Айыл, суу чарба жана кайра иштетүү министринин күйдүргү боюнча берген маалыматы калп, деп билдирди депутат Камчыбек Ташиев. Анын айтымында, Сузак районунда катталган күйдүргү маалыматка киргизилген эмес. Министрдин экинчи калпы, өлкө аймагында 241 миң итке кутурмага каршы ийне сайылганы тууралуу маалыматы. Тилекке каршы алыскы райондордогу иттерге эмес, Бишкектеги иттерге эле ийне сайылган, деп Ташиев миниистр Сооронбай Жээнбековдун ишин сынга алды. Ошондой эле депутат жугуштуу ылаң чыккан жерлерде чара көрбөгөн администрация жетекчилерин жоопко тартуу маселесин көтөрдү. (AJ)
