Бул тууралуу Ирандын өзөктүк программа боюна сүйлөшүү жүргүзүп келген башкы өкүлү Али Лариджани билдирди. Ал мамлекеттик теледен сүйлөгөн сөзүндө белгилегендей, Тегеран уран байытуу программасын Улуттар уюмунунун Коопсуздук кеңеши жаңы санкцияларды киргизген шартта да токтотпойт. Тегерандык жогорку даражалуу өкүл мындай билдирүүнү МАГАТЭнин башкаруучулар кеңешинин бүгүн башталып жаткан жыйыны алдында жасады. Андан Ирандын талаштуу өзөктүк программасы талкууланат.
