Бул тууралуу “Азаттыкка” “Арнамыс” партиясынын саясий кенешинин мүчөсү Абдысапар Баялинов билдирди. 19-апрелдеги окуяларга байланыштуу Башкы прокуратура кылмыш ишин козгоп, анын алкагында «Бириккен фронттун» бир катар демилгечилерин жоопкерчиликке тартып, Суваналиев жана Искаковго 4 миллион сом айып салууну прокуратура кызматы талап кылып келет. 29-майда Биринчи май райондук соту, кийинчирээк Бишкек шаардык соту кылмыш иши аягына чейин иликтенип чыкмайын, соттук териштирүүнү токтото туруу чечимин кабыл алган. Буга макул болбогон Башкы прокуратура Жогорку сотко арыз менен кайрылган. (ZMa)
