Ирактын мамлекеттик каналы тараткан маалыматтарга ылайык, Абдул Саттар жана анын эки жансакчысы Анбар провинциясында жолдун боюнча коюлган бомбанын жарылуусунан набыт болгон. Абдул Саттар Анбар провинциясында Ирак өкмөтүн “ал-Каида” террордук уюмуна каршы күрөштө колдогон сунниттердин бирикмесин жетектеп келген. Пентагон Абдул Саттардын өлүмү чоң жоготуу деп билдирди.
Ирактагы Рамади шаарында сунниттердин лидери Абдул Саттар абу Риша кол салуудан набыт болду
