Докладдын жыйынтыгында Аксыдагы ок атуу боюнча кылмыш ишин козгоону, мурунку жетекчилер О.Ибраимов, Т.Акматалиев, А.Карыпкулов, Б.Жанузаков, К.Осмонов жана башкалардын үстүнөн кылмыш ишин козгоону, ал эми мурунку президент Аскар Акаев, азыркы президент К.Бакиев, Жогорку Соттун төрагасы К.Осмоновдон кол тийбестикти алып, ишин кароону эл аралык сотко өткөрүп берүү сунушталды. Ал эми депутат С.Урманаевге жоопкерчиликке тартууга уруксат берүү маселеси жогорудагы иштер аткарылгандан кийин парламентте каралсын деп деп сунушталды. Депутаттар сунушталган токтом долбоорун талкууну дүйшөмбү күнү улантышат. (AiT)
