ВАШИНГТОН. АКШнын президенти Жордж Буш Ирактан аскерлердин бир бөлүгү чыгарылып кете турганын, алардын жети жарым миң кишини түзгөн алгачкы бөлүгү жыл соңуна чейин мекенине жөнөтүлө турганын билдирди. Буштун айтымында, ал Ирактагы аскерлердин командачысы Генерал Дэвид Петреустун келерки июль айына чейин аскердик бригадалардын санын жыйырмадан он бешке азайтуу сунушуна макул болду. Буштун айтымында чыгарылып кете турган аскерлердин саны америкалык аскерлердин Ирактагы ийгиликтерине жараша болот.
