17-сентябрда Кызылкыя шаарынын эки жүзгө чукул тургундары ичүүчү сууга болгон баанын көтөрүлгөнүнө нараазылык билдирип, мэрияга келишти. Бул тууралуу «Азаттыка» шаардагы Январьский кичи районунун тургуну Женишбек Исмаилов кабарлады. Жыйылган элдин алдына Кызылкыя шаар башчысы Абдрасул Анарбаев чыгып, маселени аз күндө оң жагына чечүүнү өзү көзөмөлгө ала турганын билдирген. Иче турган сууга болгон бааны 30 пайызга көтөрүү боюнча суу башкармалыгынын сунушун сентябрь айынын башында, жергиликтүү кеңештин депутаттары колдоп берген болчу. (SA)
16:45 Кызылкыяда ичүүчү сууга болгон баанын өсүшү жергиликтүү калктын нараазылыгын туудурду
