Мэриянын астына топтолгон жерге муктаждардын өкүлү Нашибахан Огапшанованын, Марияхан Кенжекулованын айтымында, алдынын 8-10, артынын 4-5 баласы бар. Алар үйлөп-жайлаган уулдарына, атүгүл өздөрүнө үй курганга жер алалбай 15 жылдан бери убара. Өзгөн шаарынын мэри Сабыр Атажанов көп аянтка шак эгилгенин, түшүм жыйналып бүтөөр менен 20-октябрга дейре зарыккандарга жер участогу ажыратыларын айтып, жыйналгандарды араң таратты. (АТо)
