Жогорку Кеңештин Конституциялык түзүлүш боюнча комитетинин төрагасы Исхак Масалиевдин көз карашында Конституциялык Соттун ноябрь, декабрь айларындагы Конституцияларды жараксыз кылган чечимине жооп бериш үчүн парламентте бери дегенде эки жол турат. «Эгерде Конституциялык Сотко ишенбестик көргөзсөк, бул чечим деле бекер кетпейт. Канча жыл болду, жооп бере турган убакыт болуп калды го»,- деп сүйлөдү Исхак Масалиев. Ошол эле учурда бул депутаттын айтымында, Конституциялык Сот өзүнүн чечимин өз ыктыяры менен өзгөртүүгө мүмкүнчүлүгү бар. Депутаттар ушундай талап менен Конституциялык Сотко кайрылса болот. (KCh)
