Буга байланышкан жардыкка президент Курманбек Бакиев кол койду. Жардыкта көрсөтүлгөнгө караганда, референдумга «Конституциянын жаңы редакциясы жөнүндөгү мыйзам» долбоору жана «Шайлоо Кодексинин жаңы редакциясы жөнүндөгү мыйзам» долбоору коюлат. Президенттин бүгүн эртең менен Кыргызстандыктарга кайрылуусунда билдиргенине караганда, Баш мыйзамдын жаңы редакциясы 24-марттан кийин түзүлгөн Конституциялык кеңешме көтөргөн идеяларга таянат. Андагы негизги өзгөчөлүк - партиялык башкарууга артыкчылык берилет. Президент өлкөнүн стратегиясын аныктоого, парламентти, өкмөттү куроого жарамдуу, кубаттуу партия түзөрүн жарыялады. (BuS)
