Облустук сот милиция колунан каза тапкан делген Акылбек сакеевдин өлүмүнө байланышкан ишти акыркы үч күндөн бери кароодо. Нарын шаардык соту август айында бул иш боюнча айыптуу деп шектелген милициянын эки кызматкери Таалай Чыпаев менен Чынгыз Керимкуловду актаган чечим чыгарган. Мындай чечимге нааразы болгон «Кылым шамы» укук коргоо борбору менен маркумдун тарапкерлери облустук сотко апелляциялык арыз жолдогон. Маркум Акылбек Сакеев былтыр ноябрда “уурулук кылган” деген шек менен Нарын шаардык милициясына жеткирилип, андан көп узабай шаардык ооруканада каза тапкан эле.(SM)
