Польшанын Казакстан менен Кыргызстандагы элчилигинин экинчи катчысы Борташ Шелига менен аскер атташеси Януш Пыдысь Жалалабатка келип, польшалык жоокерлердин сөөгү коюлган мүрзөнү жана согуш маалында аскер госпиталы болгон Жалалабат университетин көрүп чыгышты.1942-жылы бул жерге польшалык 5-жөө аскер дивизиясы көчүрүлүп келинген жана көрүстөнгө жүздөн ашык поляк аскерлеринин сөөгү коюлган.Облус жана шаар башчылары польшалыктардын өтүнүчү боюнча мүрзөгө эстелик курууга жер, университетке мемориалдык тактай орнотуу үчүн жай ажыратып берүүгө макул болушту.(YA)
