Пакистандын борбору Исламабадда президент Мушаррафтын мамлекет башчылыкка талаптанып жатканына каршы чыккан демонстранттар менен полиция кагылыша кетти. Кечээ өлкөнүн Жогорку соту Мушарраф куралдуу күчтөрдүн башчысы болуп туруп, президенттикке ат салыша албайт деген доо-арызды четке какты. Демонстранттардын ири бөлүгүн юрист-адвокаттар менен башка активисттер түздү. Кабарларга караганда полиция жаш чыгаруучу газ менен желим союлдарды колдонду.
