Сербиянын жана косоволук албандардын лидерлери провинциянын макамы боюнча алгачкы тике сүйлөшүү өткөрүштү. Бирок жолугушуу жыйынтыксыз аяктады. Косово 1999-жылдан бери БУУнун башкаруусунда. Сербия чөлкөмдүн эгемендүлүгүн четке кагууда, ал эми провинцияда көпчүлүктү түзгөн албандар көз карандысыздыктан башка макамга көнбөй турушканын ырастап келатышат. Еврошаркеттин арачысы Вольфганг Ишингер кабарчыларга билдиргендей, тараптар мындан ары да тике сүйлөшүү өткөрүүгө макулдашышыты. Эмки жолугушуу 14-октябрда Брюсселде болот деп пландалууда.
