Соттук териштирүүдө айыпталуучу Жалалабад облустук ички иштер башкармалыгынын мурдагы жетекчиси Кубаныч Токобаев, 17-мартта ошол кездеги орун басары Абдимиталип Калбаевге жана Аксы райондук ички иштер бөлүмүнүн мурдагы башчысы Данияр Кулуевге элге ок аткыла деп телефон аркылуу буйрук бербегенин, ага коюлуп жаткан айыптар негизсиз экенин айтты. Учурда Жогорку Кеңештин депутаттары Султан Ураманаев менен Азимбек Бекназаров сотто күбө катары көрсөтмө берүү үчүн сот имаратынын жанында турушат. Бул тууралуу дубандагы кабарчыбыз Ырысбай Абдыраимов билдирди. (AJ)
