Кечээ соодагерлер каржы полициясына нааразылык билдирип, аталган мекемеге барышкан. Алар каржы полициясынан он күн мурда мыйзамсыз жүк катары камакка алынган үч КамАЗ товарды бошотууну талап кылышууда. Соодагерлердин айтымында, аталган жүк Казакстандын Тараз шаарында соода менен жан баккан 400 чамалаш кыргыз атуулуна таандык жана алар товарды үстөгү менен карызга акча алып, «Дордой» базарынан сатып алышкан. Каржы полициясы болсо кармалган КамАЗдагы жүк сот аркылуу чечилерин билдирди. (BuS)
08:48 Алтымыш чамалаш соодагер бүгүн Жогорку Кеңештин жана өкмөттүн алдына нааразылыкка чыгары күтүлүүдө
