Күн тартибине комиссиянын «Жерүй» алтын кенине байланышкан иликтөөсү киргизилген жок. Мындай чечимди кечээ фракция жетекчилеринин жыйыны өкмөттүн сунушунун негизинде чыгарды. Өкмөт өз сунушун «Жерүй» маселеси арбитраждык сотто каралып жатканы менен негиздеди. Ошол эле учурда өкмөттүн парламенттик талкууну бүгүн жабык өткөрүү сунушу фракцияларда колдоо таппай калды. Бул тууралуу парламенттин маалымат кызматы кабарлады. «Кумтөр», «Талдыбулак», «Жерүй» алтын кендеринин, «Кыргызалтын» ишканасынын ишмердүүлүгүн иликтеген парламенттик комиссиянын иши буга чейин бир нече ирет ар кандай себептер менен кийинкиге жылдырылып келген. (BuS)
07:36 Жогорку Кеңеш бүгүн Кыргызстандагы алтын кендеринин абалын иликтөө боюнча парламенттик комиссиянын отчетун угат
