Ушул тапта Кыргызстанда алты миң түрк жараны жашайт. Бул тууралуу Түркиянын Кыргызстандагы элчиси Серпил Алпман маалымат жыйынында билдирди. Элчи айымдын маалыматына ылайык, өткөн жумада түркиялык эл аралык TICA агенттиги “Ак ай” кайрымдуулук фондунун демилгеси менен сокур жана дүлөй балдар үчүн компьютердик класс ачты. Мындан сырткары түрк делегациясы балдар үйлөрүнө азык-түлүк жана кийим-кече менен жардам көрсөткөн. “Кыргызстан жана Туркия бир тууган элдер. Андыктан биз бардык тармакта тыгыз кызматташабыз”,-деди элчи Серпил Алпман. (ZMa)
