Бул тууралуу партиянын лидери Топчубек Тургуналиев билдирди. Маалыматка караганда, партиянын пленуму өткөн жуманын соңунда болуп, анда конституциялык реформа жана 21-октябрга белгиленген референдум талкууланды. Партия пленумда референдумду жана президент сунуштаган конституциянын долбоорун колдоого алды. «Эркиндик» партиясынын курултайын Жогорку Кеңешке мөөнөтүнөн мурда шайлоо жарыяланар замат өткөрүү чечими да жактырылды, деп белгиледи Топчубек Тургуналиев. (AiT)
