Бул тууралуу билдирген депутат Акматбек Келдибеков ошол эле учурда «Камеко» 1 млрд.100 млн.дон ашуун түз пайда тапканын, Кыргызстанга башында күтүлгөн 451 млн. түшпөгөнүн айтты. Депутат мындан сырткары 25 миң гектар жерде канча алтын жатаарына, ал мурдагы келишим менен эч кимге берилбегенине токтолду. Ошондой эле азыр да мурдагыдай болбошу үчүн парламент өлкө бюджетине канча каражат кагаз жүзүндө эмес, түздөн-түз түшөөрүн, салыктын кайсы түрлөрү канчадан төлөнөөрүн, жалпы эле мамлекет бул кенден канча пайда көрөөрүн тактаган соң гана бул маселеге чекит коюушу керектигин белгиледи. (SM)
