“Парламенттик шайлоодо өлкөнүн ар бир регионунан тизмедеги шайлоочулардын кеминде 0,5 пайыз добушун алган саясий партия гана Жогорку Кеңешке келе алат”,- деген президенттин 10-октябрдагы жарлыгындагы маселе дүйнөлүк тажрыйбаларда колдонулуп жүрөт. Муну мамлекеттин коопсуздугу жана туруктуулу үчүн көрүлгөн иш чара деп эсептөөгө болот. Бирок саясий партиялардын ишмердүүлүгүнө, шайлоого ат салышуу маалында бийлик тараптан административдик тоскоолдук кылбоосу керек. Эгерде бийлик саясий партияларды региондорго бөлүүгө аракет кылышса, анда чоң чатакка айланат, деп билдирди “Акшумкар” партиясынын лидери Каныбек Иманалиев. (AJ)
