Баткен шаарындагы облустук башкы мечитке бул күнү эки миңден ашуун адам Орозо Айт намазына жыгылышты. Алардын катарында облус губернатору баш болгон аким жана ишкана жетекчилери да келишип, көзү өткөндөрдүн арбагына багыштап куран окуп бата кылышты. Ошондой эле облустагы жалпы 240 мечитте отуз күндүк орозо мезгилинде садакка-битир үчүн орнотулган, эхсан кутулары бүгүн жабылат. (СА)
