Бул туурасында Кыргыз турак жай федерациясынын аппарат жетекчиси Лира Усубалиева «Азаттыкка» билдирди. Анын айтымына караганда бүгүн Чүй аймагы менен Бишкек шаарындагы жерге муктаж адамдар жана буздурулган үйлөрдүн ээлери өкмөт үйүнүн алдына наарызылык акциясын уюштурмак. Бирок шаардык бийлик референдум өткөнгө чейин эч кандай нааразылык иш чарасы өтпөйт деп уруксат бербей койду. Буга чейин аталган федерацияга кирген жүз элүүдөн ашык коомдордун өкүлдөрү 10- сентябрь күнү митинге чыгышып, президент жана өкмөт башчысына кайрылуу жолдогон. Учурда Чүй облусундагы жерге муктаж адамдардын саны кырк үч миңден ашык. (JJ)
