Адовкат Айжан Касымалиеванын «Азаттыкка» билдиргенине караганда, улуттук коопсуздук боюнча мамлекеттик комитети бул ишти тергеп бүтүп, башкы прокуратурага жиберди. Эми башкы прокуратура тыянагын чыгарып, ишти сотко жибериши керек. Жогорку Кеңештин басма сөз кызматында иштеген Жыпар Арыкова башка өлкөнүн пайдасы үчүн тыңчылык кылган деген шек менен коопсуздук кызматы тарабынан быйыл 19-июнда кармалып, ошондон бери аталган кызматтын тергөө абагында отурат.(SM)
