БШКнын бүгүн өткөн отурумунда маалымдалганга караганда, Бүткүл элдик добуш берүүнү уюштуруу максатында 2190 участкалык комиссия түзүлүп, курамына 21 миң адам кирди. Алардын катарында «Атамекен», «Эркиндик», «Таза коом», «Алга, Кыргызстан» өңдүү 35 саясий партиянын мүчөлөрү бар. Мындан тышкары жети облустук эки шаардык комиссиялар иштеп жатышат. Добуш берүүчүлөрдүн тизмесине 2 миллион 700 миң жаран кирди. Референдумга чет өлкөлүк 170 чамалаш, жергиликтүү 10 миң чамалаш байкоочу көз салат. Референдум 21-октябрда болот. (BuS)
