Бул тууралуу бүгүн партиянын лидерлеринин бири, ЖК депутаты Ахматбек Келдибеков «Азаттыкка» билдирди. Анын айтымында, «Атажурт» партиясы президент Курманбек Бакиевдин саясатын буга чейин колдоп келген жана мындан ары да колдойт. «Атажурттун» лидерлеринин катарында Жогорку Кеңештин депутаттары Ахматбек Келдибеков, Камчыбек Ташиев, Садыр Жапаров, Арапбай Төлөнов бар. Ахматбек Келдибеков Жогорку Кеңештин төрагасы Марат Султановдун партияга тиешеси жок деп билдирди. Буга чейин төрага партиянын чыныгы негиздөөчүсү экендиги тууралуу маалымат тараган. (BuS)
