Бул тууралуу бүгүн өкмөт жыйынында кабыл алынган токтомго киргизилди. Премьер министр Алмаз Атамбаевдин билдиргенине караганда, өкмөттүн алдындагы Мамлекеттик сатып алуулар жана материалдык резервдер боюнча мамлекеттик агенттиктин директору Жумасарлык Нуржанов одоно мыйзам бузууларга, уурдап-тоноолорго, баанын көтөрүлүшүнө, коррупцияга жол берген. Мындан тышкары Нуржановго каршы бир катар кылмыш иштери бар экендиги аныкталган. Ошондуктан, «Нуржановду кызматтан алуу тууралуу менин сунушума президент каршы эместигин билдирди» деди премьер министр. (BuS)