17-октябрда ички иштер органынын кызматкерлери референдумга карата макалалар бар экен деген жүйөө менен Бишкек шаарынын жаңы конуштарынын “Алкак” гезитин тартып алган. Бул тууралу “Ашар” козголушу кыймылынан билдиришти. Милиция кызматкерлери кечээ түнү гезит редакциясында тинтүү жүргүзүшкөн. Гезиттин бул санында Москва районунун тургундарынын референдум тууралуу берилген ой-пикирлери, суроолору жана аларга жооптор басылган. “Алкак” гезити буга чейин жаны конуштардын, уй куруучулардын маселелерин чагылдырып келген. Редакция өкүлдөрүнүн айтымында басылма терең деле саясатташып кеткен эмес.(EK)
