Бул тууралуу премьер-министр Алмазбек Атамбаев кечээ кечинде 5-каналдын «Майдан» телекөрсөтүүсүнүн суроолоруна жооп берип жатып билдирди. «Эгер жаңы парламенттик шайлоо жарыяланса жаңы түзүлгөн партия («Акжол Кыргызстан») парламенттеги бүтүндөй орундарды ээлеп алгыдай Кыргызстан Казакстан же Орусия эмес», - деп жооп берди өкмөт башчы. Ал ошондой эле парламенттик чукул шайлоо жарыяланса өлкөдөгү саясий кырдаалды курчутуп жибербейби деген суроого «бул жерде көп нерсе бийликтин аракетине байланыштуу, бийлик администартивдик ресурстарды, 2005-жылдагыдай мурдагы президент Акаевдин ыкмаларын колдонбошу керек», - деп жооп берди.(SM)
