Парламентте чыгып сүйлөгөн сөзүндө депутат Азимбек Бекназаров Жогорку Кеңештин тарашын колдогон кесиптештерине карата “депутаттык мандат чөнтөкк салып койгудай доллар эмес, анын артында эл, шайлоочулар турат. Силер алардын алдында жооптуусуңар,” деп айтты. Ал бүгүн депутаттык мандатын тапшырып аткан депутаттардын баары аны алууга сот аркылуу жетишкендигин да белгилеп, депутаттар келип кете берерин, ал эми элдин тагдырын ойлогон бирөө жок экендигин, кечээки болгон Референдум Кыргызстанды он жылга артка тарткандыгын айтты. (ZKo)
