“Бир аз убакыттан кийин акча үчүн эмес, идеялар үчүн тандалган татыктуу адамдардан турган парламентке ээ болобуз” деди, президент Бакиев бүгүнкү сөзүндө. Азыркы Жогорку Кеңештин тарашы менен тарыхтын бир барагы жабылаарын, реалдуу демократиялык, чыныгы элдик бийликке карай илгерилөө болоорун, өнүгүүгө маанилүү кадам жасалганын кошумчалады. Жогорку Кеңештин таратылышы менен өзгөчө чаралар кабыл алынбасын, президент, өкмөт жана сот бийлиги кадимки калыбында иштей берерин, жарандардын укуктары жана эркиндиги талаптагыдай корголуп, камсыз кылынаарын билдирди. (EBM)
