Спартакиада 20-октябрда жыйынтыкталып, ага аталган шаардагы сегиз улуттук маданий борбор катышкан. Мелдештер спорттун баардык түрү боюнча өткөн. “Кыргызстан-Астана” улуттук маданий борбордун курама тобу экинчи командалык орун алып, жабыла катышкандыгы үчүн атайын сыйлык да ыйгарылган. Казакстандагы кыргыздардын “Манас” ассоциациясынын билдиргенине караганда бул иш-чара калк арасында сергек жашоо образын жайылтуу, үзгүлтүксүз дене тарбия жана спорт менен алектенүүгө тартуу, улуттар арасында пикир алышууну бекемдөө максатында өткөрүлгөн. (EBM)
