Кечээ кечки саат 20:00 чамасында Жетиөгүз районунун Жеңиш айылы менен Дархан айылынын ортосундагы кан жолдо “Кумтөр” компаниясына тиешелүү “МАС” үлгүсүндөгү жүк ташуучу автоунаа 20 тонна акиташы менен жол жээгине кулаган. Бул тууралуу “Карек” бейөкмөт уюмунун жетекчиси Эркингүл Иманкожоева “Азаттыкка” билдирди. Анын айтымында, “Кумтөр” компаниясы жол жээгине төгүлгөн акиташты бүгүн жыйнап кетүүгө убада кылышкан. Адамдардан жабыр тарткандар жок.(AJ)
