Мындай пикирин “Либерал жаштар альянсынын” лидери Мирсулжан Намазалиев билдирди. Анын айтымында коомчулуктун жана укук коргоо органдарынын журналисттерге болгон мамилеси апрель митингтеринен кийин өзгөрдү. “Митинг учурунда эле бир нече кабырчылар эл алдында жөн жерден ур-токмокко алынган. Бирок укук коргоо органдары тарабынан эч кандай чара көрүлгөн жок жана орган кызматкерлери кайдыгер мамилеси үчүн жоопко тартылган да жок. Ал эми сөз эркиндиги коопту абалда экенин Алишер Саиповдун киши колдуу болушу, “НБТ” телеканалынын кабарчысынын сабалышы ачык айкын далилдеп турат. Менимче сөз эркиндигинин аз болушуна бийлик өзү кызыкдар”,- деди М. Намазалиев. (ESu)
