Арыз Республикалык аскердик сотко берилди. Бул тууралуу Аксы окуясында жабырлангандардын адвокаты Сартбай Жайчыбеков «Азаттыкка» билдирди. Анын айтымында, Бишкек гарнизондук соттун Аксы окуя боюнча айыпталгандарга карата чыгарган өкүмү жумшак болуп калды. Белгилүү болгондой Бишкек гарнизондук соту 22-октябрда чыгарган чечиминде ички иштер министринин мурунку орун басары Садырбек Дубанаев акталып, Жалалабад облусунун мурунку прокурору Зоотбек Кудайбергенов жана милиция башчысы Кубанычбек Токобаев шарттуу түрдө беш жылга кесилген. (AiT)
8:27 Аксы окуясы боюнча Бишкек гарнизондук соту чыгарган чечимди жокко чыгаруу үчүн апелляциялык арыз берилди
