Бул тууралуу өкмөттүн бүгүнкү жумушчу жыйынында айтылып, ага негизинен август-сентябрь айларында азык-түлүктүн кымбатташы себеп болгону белгиленди. Жыйында өкмөт башчынын милдетин аткаруучу Алмазбек Атамбаев каржы министрлиги менен Улуттук банк инфляцияны токтотуу боюнча биргелешкен план иштеп чыкканын, ошондой эле «Азык түлүк коопсуздугу боюнча» мыйзам долбоору даярдала баштаганын билдирди. Жыйын соңунда өлкөнүн моноплияга каршы органына базарларда баалардын жасалма түрдө көтөрүлүүсүнө жол бербөө үчүн тыкыр анализ жүргүзүп туруу милдети коюлду.(SM)
