Алты айлык наристелерден беш жашка чейинки балдарга жана жаңы төрөгөн энелерге А витамини жашаган жерлерине жакын бейтапканалардын баарында бекер берилет. Организмде бул витаминдин жетишсиздиги аз кандуулук, богок оорусун пайда кылып, балдардын дени-сак чоңойушуна кедергисин тийгизет. Кыргызстанда мындай иш-чаралар ЮНИСЕФ эл аралык уюмунун колдоосу менен 2004-жылдан бери жарым жылда бир жолу өткөрүлүп келет. Витаминдештирүү жумалыгы 10-ноябрда аяктамакчы. (EBM)