«Бийликтин «Ак жол», социал-демократтар партиялары парламенттик таймашта административдик ресурстарды пайдаланышына бөгөт коюу максатында ушундай чечимге келдик»,- дейт «Жаңы Кыргызстандын» Ош аймактык лидери Керим Макеев. Анын сөзүнө караганда, декабрдагы шайлоо добуштарды сатып алуу, бурмалоо менен коштолушу да толук ыкмтымал.«Жаңы Кыргызстан» партиясын президенттин кеңешчиси Үсөн Сыдыков жетектейт. Жергиликтүү серепчилердин баамында, шайлоодо бурмалоолорду токтотууга жалгыз партиянын күчү жетпейт, андан көрө шайлоого бараткан бардык саясий уюмдар өз ара мыйзам бузбоого милдеттендирген меморандумга кол коюп, аны аткарууга жетишсе жакшы болмок. (АТо)
